बाढीपहिरो

हुम्लाको अदानचुली गाउँ पालिकाको थपाली मा सुख्खा पहिरो जाँदा सडकमा काम गर्ने चार जना घाइते भएका छन् । घाइते हुनेमा गाउँपालिकाको २ नम्बर वडाका तुलराज महतारा, युवराज बुढा, घमण्डी थापा र धन शोभा बुढा रहेका छन् । उनीहरूको बाजुराको कोल्टीमा उपचार भइरहेको छ ।

रोल्पामा पहिरोले घर पुरिएको छ। शुक्रबार राति सुनछहरी गाउँपालिका- ४ कामी डाँडामा पहिरो जाँदा देउसिंह कामीको घर पहिरोले पुरिएको जिल्ला प्रहरी कार्यालय रोल्पाले जनाएकाे छ। जिल्ला प्रहरी कार्यालय रोल्पाका प्रहरी निरीक्षक केशरबहादुर थापाका अनुसार राति ९ बजेतिर माथिबाट पहिरो आएर घर पुरिएको हो। घरमा आमा र नातिनी रहेको बताइएको छ। पहिरोले घरसँगै हजुरआमा र उनका ४ वर्षीया नातिनीलाई पुरेको बताइएकाे छ। ६५ व

कर्णाली प्रदेशमा गत जेठ २८ यता मनसुनजन्य विपद्का कारण दुई करोडभन्दा बढीको क्षति भएको छ । कर्णाली प्रदेश प्रहरी कार्यालयको तथ्याङ्कअनुसार डेढ महिनाको अवधिमा प्रदेशका १० जिल्लामा गरी दुई करोड २८ लाख ५५ हजार नौ सय ३७ बाराबरको क्षति भएको हो । सबैभन्दा धेरै दैलेखमा रु ७० लाखको क्षति भएको तथ्याङ्क छ । यहाँ २३ वटा विपद्जन्य घटना भएको प्रदेश प्रहरी कार्यालयले जनाएको छ । सुर्खेतमा १९ वटा विपद्का घटना

कर्णाली करिडोरअन्तरर्गत सुर्खेत –जुम्ला सडक अवरुद्ध भएको छ। कालिकोटको तिलागुफा नगरपालिका–१ नाग्मामा पहिरो खसेका कारण सडक अवरुद्ध भएको हो। जुम्ला र कालिकोटको सिमानामा पर्ने नाग्मा क्षेत्र सुर्खेत ,जुम्ला, मुगु र हुम्ला प्रवेशको मुख्य स्थल हो। पहिरोका कारण यातायात सेवा बिहानदेखि नै अवरुद्ध भएको कालिकोटका प्रहरी प्रमुख अर्जुन केसीले बताए। सडक खुलाउन भरमग्दुर भइरहेको उनको भनाइ छ।