मध्यपश्चिमाञ्चल विश्वविद्यालयको स्वतन्त्र विद्यार्थी युनियन निर्वाचनको माहोल तातिदै गर्दा निर्वाचन समितिको आयोजनामा आज सम्पुर्ण बिद्यार्थी संगठनका उम्देवारहरुले परिचयात्मक कार्यक्रम गरेका छन ।
कार्यक्रमा विद्यार्थी स्वतन्त्र विद्यार्थी युनियनका उम्मेदवारहरुले आफ्नो उम्मेदवार घोषणा गर्नुको कारण प्रस्ट पारेका थिए । स्ववियू निर्वाचनमा ८ संगठनले सहभागिता जनाएका छन् ।
बिहीबार सार्वजनिक गरिएको कार्य तालिकाअनुसार भदौ १२ गते विहान ८ बजेदेखि अपरान्ह ४ बजेसम्म मतदान गरिनेछ ।
त्यसअघि आज विहान साढे सात देखि साढे ९ सम्म उम्मेद्वारहरुसँग परिचयात्मक कार्यक्रम सम्पन्न भएको छ ।
आज नै मध्यान्ह १२ बजेसम्म मात्र विद्यार्थी संघ संगठनहरुले प्रचारप्रसार गर्न पाउने छन् । १२ बजेपछि निर्वाचन आचारसंहिता लागु हुने इन्जिनियरिङ सङ्कायका निमित्त डीन तथा निर्वाचन समितिका संयोजक अनन्तराज घिमिरेले जानकारी दिए ।
मध्यपश्चिमाञ्चल विश्वविद्यालयमा स्वतन्त्र विद्यार्थी युनियनको निर्वाचनलाई केन्द्रित गरि विद्यार्थीहरु पनि तयारीमा जुटिरहेका छन् ।
बिहीबारदेखि निर्वाचनको अघिल्लो दिनसम्म विदा रहेपनि धेरैजसो विद्यार्थीहरु भने विश्वविद्यालयको केन्द्रिय महाविद्यालयमै आफूलाई जिताउन विद्यार्थीसंग मत मागिरहेका छन् ।
