सुर्खेत र दैलेख एरियाका लायन्स क्लबहरुको संयुक्त पदस्थापना कार्यक्रम सम्पन्न भएको छ । लायन्स क्लब अन्तर्राष्ट्रिय डिस्ट्रिक ३२५ बी २ नेपालका डिस्ट्रिक गर्भनर एम.जे.एफ. लायन धनश्याम भट्टराईले सुर्खेत तथा दैलेखमा रहेका १० क्लबका अध्यक्ष, सचिव, कोषाध्यक्ष तथा क्लब पदाधिकारीहरुलाई आफ्नो पदमा पदस्थापित गरेका थिए ।
लायन बर्ष २०१५–०१६ का अध्यक्षहरुले आफ्नो कार्यकालमा गरेका सामाजिक कार्यहरुको कार्य विवरण प्रस्तुत गरेका थिए । लायन बर्ष २०१६–१७ का अध्यक्ष सचिव र कोषाध्यक्षलाई एक छुट्टै कार्यक्रममा तालिम प्रदान गरिएको थियो ।
डिस्ट्रिक गर्भनर एम.जे.एफ. लायन धनश्याम भट्टराईले आफ्नो कार्य योजना प्रस्तुत गर्दै क्लब अध्यक्षहरुलाई आ–आफ्नो क्लबको कार्य योजना निर्माण गरेर सामाजिक कार्यहरु गर्न आग्रह गरे ।
लायन्स क्लब अफ दैलेखले मोफसलमा रहेर समेत उत्कृट कार्य सम्पन्न गरेको अवगत गराउदै सोही अनुरुप सामाजिक कार्यहरु संञ्चालन गर्न डिस्ट्रिकका प्रथम भाइस गर्भनर लायन मधुसुदन शर्माले मार्ग निर्देशन गरेका थिए ।
कार्यक्रममा लायन्स अन्तर्राष्ट्रियका स्थापनाकोे स्वर्ण जयन्तीको अवसरमा डिस्ट्रिक चियरपर्सन सम्राट गौतमले “सय बर्ष सय लायन” कार्यक्रम अन्र्तगत २३ जना नयाँ सदस्यलाई लायन्स क्लबको सदस्यका रुपमा सपथ ग्रहण समेत गराएका थिए । कार्यक्रम जोन चियर पर्सन लायन कमल नेपालको अध्यक्षतामा सम्पन्न भएको थियो ।
