सुर्खेत । पहिरो पन्छाएर फर्कदै गरेको जेसिभी दुर्घटनाहुँदा दुई जनाको घटनास्थलमै मृत्यु भएको छ भने एक जना गम्भीर घाइते छन् । मृत्यु हुनेमा सुर्खेत भेरीगंगा नगरपालिका छिन्चु स्थायी ठेगाना भएका जेसिभी चालक तुलाराम धौलाकोटी र खाडाचक्र नगरपालिका–६ का रोडमा काम गर्ने कामदार विष्णुबहादुर शाहीको घटनास्थलमै मृत्यु भएको हो ।
दुर्घटनामा रास्कोट नगरपालिका–७ का छत्रबहादुर वम गम्भीर घाइते छन् । गम्भीर घाइते बमको नेपाली सेनाको हेलिकप्टरबाट थप उपचारको लागि नेपालगञ्ज लगिएको छ ।
कालीकोट–जुम्ला सडक खण्डको खाडाचक्र नगरपालिका–५ विहानी भन्ने ठाउँमा पहिरो पन्छाएर कालीकोट सदरमुकाम मान्मतर्फ जाँदै गरेको सडक विभागको अन टेस्ट जेसिभी ब्रेक फेल आइतबार दिउसो २ बजे दुर्घटना भएको जिल्ला प्रहरी कालीकोटका प्रहरी निरिक्षक राजेन्द्र श्रेष्ठले जानकारी दिए । उनका अनुसार जेसिभी सडकबाट ५० मिटर तल खसेको र उनीहरुको च्यापिएर मृत्यु भएको हो ।
