सुशील खड्का
सुर्खेत । सुर्खेतबाट दैलेख सदरमुकाम जाँदै गरेकाे फाेर्स गाडी दुर्घटना हुँदा १० यात्रु घाइते भएका छन् । सुर्खेेेत-दैलेख सडक खण्डको गुराँस गाउँपालिका- ४ रिठ्ठामा अाईतबार साँँझ बा ५ ख १८९० नम्बरको फाेर्स गाडी अनियन्त्रितहुँदा १० जना यात्रु घाइते भएका हुन् ।
घाइते मध्य ४ जना गम्भीर छन् भने ६ जना सामान्य घाइते रहेकाे जिल्ला प्रहरी कार्यालय दैलेखका प्रमुख (डिएसपी) हरीबहादुर वलीले जानकारी दिए ।
उनकाअनुसार गम्भीर घाइते हुनेमा नारायण नगरपालिका-६ का ६१ वर्षीय कृष्णादेवी न्याैपाने, महावु गाउँपालिका-१ खरीगैराका २३ वर्षीय सुजता रिजाल, साेही ठाउँका ४ वर्षीय अनमाेल ढकाल र जाजरकोट बारेकाेट गाउँपालिका- ९ का राजु परियार छन् ।
यस्तै सामान्य घाइते हुनेमा जाजरकाेट वारेकाेट गाउँपालिकाका नवराज परियार, सुर्खेत वीरेन्द्रनगर-१२ का देव साउद, वीरेन्द्रनगर-९ का दशरथ न्याैपाने, साेही ठाउँका विष्णु न्याैपाने, दैलेख भैरवी गाउँपालिका-७ का केशव बराल र नारायण नगरपालिका-१ का गगन शाही छन् ।
रानिमत्ता प्रहरी चाैकीबाट खटिएको प्रहरी सहायक निरीक्षक चन्द्रलाल गिरीकाे टाेली घाइतेको उद्धार गरेर उपचारका लागि सुर्खेत पठाएको छ । घटना लगत्तै चालक फरार रहेकाे र उनकाे खाेजी भईरहेकाे डिएसपी अाेलीले बताए ।
