| १८ कार्तिक २०७७, मंगलवार १८:०७
सुर्खेतको भेरीगंगा नगरपालिकामा मोटरसाइकललाई विपरीत दिशाबाट आएको टिप्परले ठक्कर दिँदा दुईजना घाइते भएका छन् ।
भेरीगंगा नगरपालिका-१३, का २९ वर्षीय अशोक चन्द र गुर्भाकोट नगरपालिका-१४, का १८ वर्षीय कुशल सुनार घाइते भएका हुन् ।
चन्दको हात र खुट्टामा सामान्य चोट लागेको छ । र, उनको भेरी पोलिकिल्निक छिन्चुमा उपचार भइरहेको प्रहरीले जनाएको छ ।
त्यस्तै सुनारको दाहिने खुट्टामा चोट लागेको छ । उनलाई थप उपचारका लागि सुर्खेत पठाइएको प्रहरीले जनाएको छ ।
भरीगंगा-२, पैसठ्ठीस्थित छिन्चुबाट सुर्खेततर्फ जाँदै गरेको भे८प १०१३ नम्बरको मोटरसाइकललाई विपरीत दिशाबाट आउँदै गरेको नाअपभा १०८ नम्बरको वनटेस्ट टिप्परले ठक्कर दिएको थियो ।
टिप्पर चालक फरार रहेको र उनको खोजी कार्य भइरहेको प्रहरीले जनाएको छ ।
