| २५ भाद्र २०७९, शनिबार ०५:०९
काठमाडौंः पछिल्लो २४ घण्टामा देशभर १५२ जनामा कोरोना भाइरस संक्रमण पुष्टि भएको छ। ३ हजार २९४ जनाको कोरोना परीक्षण गर्दा १५२ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार एक हजार १८६ जनाको पिसिआर र दुई हजार १०८ जनाको एन्टिजेन परीक्षण गरिएको थियो। अहिले देशभर २४४८ जना सक्रिय संक्रमित रहेका छन्।
यस्तै १३३ जना संक्रमित निको समेत भएका छन्। कोरोना संक्रमणबाट पछिल्लो २४ घण्टामा दुई जनाको मृत्यु भएको मन्त्रालयले जनाएको छ ।
