कर्णालीका कर्मचारी आन्दोलित: दुई सातादेखि स्थानीय तह ठप्प
प्रकाशित मितिः १४ जेष्ठ २०८२, बुधबार १७:२६
प्रदेश सरकारले ल्याएको ‘स्थानीय सेवा (गठन तथा सञ्चालन) ऐन–०८१’ लाई संशोधन गर्न बनेको विधेयक विभेदकारी भएको भन्दै कर्णालीका स्थानीय तहमा कार्यरत कर्मचारीहरू आन्दोलित भएको दुई साता बित्यो । ७९ वटा स्थानीय तहका कर्मचारीहरू प्रदेश राजधानी केन्द्रित आन्दोलनमा उत्रिएपछि स्थानीय तहको सेवा प्रवाह ठप्प भएको छ ।
एकीकृत निजामती सेवा ऐन जारी गर्नुपर्ने, प्रमुख प्रशासकीय अधिकृत स्थानीय तहकै कर्मचारी हुनुपर
