| १० पुष २०७७, शुक्रबार ११:१४
हुम्ला-हुम्लाको नाम्खा गाउँपालिकासंग जोडिएको चीनसँगको सिमाना क्षेत्र हिल्साको कर्णाली नदीमा बरफ जमेको छ ।
बरफ जमेपछि हिल्सामा रहेका सुरक्षाकर्मी र घर कुरुवालाई समस्या भएको छ । चिसो अत्याधिक बढेको सो स्थानमा हालको तापक्रम माईनस १५ डिग्री सेल्सियस पुगको छ ।
नाम्खा गाउँपालिका वडा नम्वर ५ अन्तर्गत पर्ने हिल्सा क्षेत्रको कर्णाली नदीमा बरफ जमेर पानी नदेखिने भएको सिमा सुरक्षाका लागि बस्दै आएका ९बिओपी० का इन्चार्ज सशस्त्र प्रहरी निरीक्षक सुरज केसीले बताए ।
नदीमा जमेको बरफ माथि चाहेमा वारपार गर्न समेत सकिने भएको छ । चिसोका कारण नाकामा बस्दै आएका ससस्त्र प्रहरी र घर कुरुवा व्यक्तिहरुलाई बाहिर निक्लिन समेत समस्या भएको केसीको भनाई छ । उक्त ठाउँका घरहरु कर्णाली नदिको नजिकै रहेकाले पनि हावाको वेगले गर्दा बसि नसक्नु भएको छ ।
